HATAW! D'yaryo ng Bayan hatawtabloid.com
ni Roldan Castro
BILANG kasamahan sa Kapatid Network at may executive position si Ogie Alcasid sa TV5, hindi niya pinanood ang kumakalat na sex video umano ni Paolo Bediones.
“Ayaw ko ring mapanood, baka mainggit ako,” pagbibiro niya.
Basta, nandoon ang suporta niya kay Paolo at nararamdaman niya na mahirap ang sitwasyon nito ngayon.
Tinanong din si Ogie kung ano ang papel niya sa nalalapit na kasal nina Dingdong Dantes atMarian Rivera. Wala pa naman daw sinasabi sa kanya ang dalawa.
Kamakailan daw ay nagkita sila sa Incheon Airport sa Korea habang naghihintay ng connecting flight nila pauwi ng Manila. Galing daw sina Marian at Dingdong sa New York at siya naman ay sa Hawaii.
Ang natatandaan daw niya ay sinabi ni Dong sa kanya na, ”Kuya, pupuntahan kita ha.” Tinanong daw niya kung bakit pero ang sagot lang ay, ‘basta’ ni Dingdong.
Hindi alam ni Ogie kung tungkol sa kasal ‘yun.
Kung halimbawang kunin siyang ninong sa kasal ay okey lang daw sa kanya. Nag-ninong na raw siya sa kasal ni Kyla.
“Naku, anong ireregalo ko sa mga ‘yon ? Puwede bang GC sa M. Lhuillier?” pagbibiro pa ni Ogie sa tsikahan niya sa press para s.a kanyang birthday concert entitled Throwback Thursday with Mr. A. na gaganapin sa August 28 sa Music Museum. Featuring surprise guests from the 80’s.
Nabanggit din ni Ogie na pinakamahirap na sitwasyon ay ‘yung preparasyon sa kasal. Kasi may mga diskusyon ang magkarelasyon sa mga gusto nilang mangyari. Ang payo lang ni Ogie sa mga lalaki, lagi nilang iisipin na ang araw ng kasal ay para sa mga babae at ang mga lalaki lang ang gagastos.
Talbog!
