HATAW! D'yaryo ng Bayan hatawtabloid.com
BURDEOS, Quezon –Walang-awang ginahasa ng isang 14-anyos binatilyo ang 3-anyos paslit sa Brgy. Poblacion ng bayang ito kamakalawa.
Ang biktima ay itinago sa pangalang Angel, residente ng nabanggit na lugar, habang ang suspek ay si alyas Albert, ng nasabi rin bayan.
Sa ipinadalang report ng Burdeos PNP sa Camp Guillermo Nakar sa tanggapan ni Senior Supt. Ronaldo Genaro Ylagan, Quezon PNP provincial director, naganap ang insidente dakong 9 a.m. habang wala ang ina ng biktima.
Ayon sa ginang, iniwan niya sandali ang anak sa kanilang munting kubo para bumili ng ulam sa almusal ngunit sa kanyang pagbalik ay nadatnan niyang umiiyak ang paslit at duguan ang kaselanan.
Sumisigaw siyang humingi ng saklolo sa mga kapitbahay nang makita niya ang suspek na kumakaripas nang takbo habang hubo’t hubad patungo sa tabi ng ilog. Agad nagsumbong ang ginang sa pulisya na nagresulta sa pagkakadakip sa suspek sa nabanggit na bayan.
(RAFFY SARNATE)
