Si Blatche ang buhay ng Gilas

MARAMING Pinoy basketball fans ang humanga sa Gilas nang pahirapan nila ang bansang FRANCE sa nilahukang pocket tournament sa nasabing bansa.

Biruin mong nilamangan lang tayo ng pitong puntos ng isa sa kinikilalang bating na team sa Europe.

Take note pa, kung hindi lang namilay si Andray Blatche ng Pinas, baka nasilat pa ang France.

Pero nang sumunod na araw, napailing na ang Pinoy fans nang tambakan tayo ng 21 puntos ng Australia.  Sa nasabing laro ay hindi na masyadong ginamit si Blatche.

Heto ang nakakadismaya.   Sa ikatlong game ng Gilas ay nilampaso tao ng bansang Ukraine.  Nilamangan tayo ng 50 puntos.

Whew.

Hindi nga naglaro si Blatche at Paul Lee sa nasabing laro pero kumpleto pa naman ang galugod ng team.   Naroon ang mga dambuhala nating manlalaro na sina Aguilar at June Mar Fajardo.

Balita nga natin ay nagsermon na si coach Chot Reyes sa mga big men natin.   Mukha kasing naging display lang sila sa laro.

Well, tune-up match lang naman ang mga pagkatalong iyon.   Pero mahalaga iyon.   Dahil sa pagsalang nila sa FIBA world sa Agosto 31 ay magri-reflect ang mga larong iyon sa magiging respeto ng mga makakaharap ng Gilas sa aktuwal na torneyo.

Aba’y kung tambakan lang tayo ng Ukraine at Australia, paano kakabahan ang mga kalaban natin sa Spain?

ni Alex L. Cruz