HATAW! D'yaryo ng Bayan hatawtabloid.com
CAMP OLIVAS, Pampanga – Sa kalaboso bumagsak ang kapangalan ng sikat na NBA player na si Michael Jordan nang mahulihan ng limang pakete ng marijuana sa isang buy bust operation sa San Rafael, Macabebe, ng nasabing lalawigan.
Si Jordan, 18, binata, pedicab driver, ay dinakip sa harap mismo ng Barangay Hall ng Brgy. San Rafael, nang isagawa ng mga tauhan ni Insp. Benjamin Gallano, OIC ng Macabebe Police, ang buy bust operation, sa barangay Nicolas, Masantol.
Ayon kay PO2 Jose Galwa, higit isang linggo nilang sinubaybayan ang operasyon ng suspek na sinasabing kilabot na tulak sa nasabing lugar bago maaresto.
Narekober ng pulisya ang P500 marked money na ginamit sa buy bust operation at limang pakete ng marijuana.
Kasong paglabag sa Section 5 Art 11 sa ilalim ng RA 9165 ang isasampa laban sa suspek .
(LEONY AREVALO)
