Coed biktima ng rape-slay

IPINAPALAGAY ng pulisya na biktima ng gang rape ang isang babae na natagpuang wala nang buhay na naka-lugmok sa matubig at maputik na palayan sa Calumpit, Bulacan, iniulat kahapon.

Sa rekord ng Calumpit PNP, bandang 5:00 a.m. nang matagpuan ng ilang dumaraang residente ng Barangay Pungo, Calumpit, ang bangkay ng hindi nakikilalang babae na nasa pagitan ng edad 20 hanggang 25, nakasuot ng palda pero walang panty, maputi at balingkinitan ang katawan.

Tadtad ng mga saksak ng screw driver ang buong katawan ng biktima nang matagpoan habang may marka ng sakal sa leeg.

Walang anomang nakitang maaaring mapagkilanlan sa biktima pero may teorya ang mga awtoridad na tatlo pataas ang responsable sa krimen.

Nakuha ng pulisya sa crime scene ang screw driver at kadena ng motorsiklo na piananiniwalang ginamit sa pagpaslang.

Agad isinailalim sa pagsusuri ng Medico Legal ang bangkay ng biktima habang  iniimbestigahan ng pulisya.

(DAISY MEDINA)