HATAW! D'yaryo ng Bayan hatawtabloid.com
NABABAHALA na rin si Senadora Grace Poe sa rami ng transportation related accidents na dapat nang aksyonan ng gobyerno.
Bunsod nito, naghain si Senadora Grace Poe ng panukalang naglalayong magbuo ng National Transportation Safety Board na mag-iimbestiga sa mga aksidente sa lansangan, himpapawid, dagat, riles at pipeline.
Sa Senate Bill 2266, iginiit ni Poe na responsibilidad ng gobyerno na bigyan ang mga pasahero nang ligtas, mahusay, abot-kaya at accessible public transportation service.
Pinakahuling aksidente ang nangyari kamakailan nang mawalan nang kontrol ang isang depektibong bagon ng Metro Rail Transit (MRT) at bumangga sa barrier sa Taft Avenue Station, sa lungsod ng Pasay.
Iginiit ni Poe, kasama sa magiging responsibilidad ng NTSB ang paglalatag ng mga solusyon sa mga aksidente para sa kaligtasan ng mga pasahero.
(N. ACLAN/C. MARTIN)
