Nagoyo ng bading Japok nagreklamo

KALIBO, Aklan – Binawi ng isang turistang Hapon ang ibinigay na singsing sa isang bading na napagkamalan niyang babae na kanyang naka-one-night stand sa Brgy. Balabag sa Boracay.

Personal na dumulog sa Boracay Tourist Assistance Center (BTAC) ang isang Japanese national na tumangging magpabanggit ng pangalan, upang mabawi ang kanyang 18 carat gold na singsing na ibinigay sa naturang ‘lady boy.’

Ayon sa 29-anyos Hapon, naglalakad siyang mag-isa pauwi sa kanyang tinutuluyang hotel dakong 11:30 p.m. sa naturang lugar, nang biglang hinila ng inakala niyang babae at dinala siya sa madilim na bahagi ng kalsada para sa panandaliang aliw.

Sinabi ng biktima, hiningan muna siya ng pera ng inakala niyang babae, ngunit nang walang maibigay ay kinuha niya ang kanyang singsing sa daliri upang matuloy lamang ang kanilang pagtatalik.

Nang makarating sila sa tinutuluyang hotel, napagtanto ng Hapon na isang bading o ‘lady boy’ pala ang kanyang nakatalik kaya’t agad humingi ng tulong sa pulis.

Sa follow-up operation ng BTAC, boluntaryong isinauli ng ‘lady boy’ ang gintong singsing ng Hapon.