HATAW! D'yaryo ng Bayan hatawtabloid.com
NAGA CITY – Hindi matanggap ng isang misis na ang mismong asawa niya ang gagawa sa kanya ng kahalayan sa Tiaong, Quezon.
Ito ay makaraan siyang gahasain ng sarili niyang mister.
Sa ulat na ipinadala ng Quezon Police Provincial Office, nabatid na nakahiga ang dalawa sa loob ng kanilang kwarto nang kalabitin ng suspek ang biktima at hiniling na sila ay magtalik.
Ngunit hindi pumayag ang biktima kaya pinuwersiya siya ng kanyang asawa.
Sapilitang hinubaran ng 36-anyos salarin ang 38-anyos biktima tuluyang ginahasa ang ginang.
Nanlaban at nagmakaawa ang biktima sa kanyang asawa ngunit hindi siya pinakinggan at ipinagpatuloy ang panghahalay.
Pagkaraan, luhaang dumulog sa himpilan ng pulisya ang biktima.
Agad inaresto ng mga awtoridad ang suspek na nakatakdang sampahan ng kasong marital rape.
(BETH JULIAN)
