GMA ‘di malaman ang gagawin sa pagre-regodon ng shows (Bela, itatapat kay Vice Ganda…)

ni JAMES TY III

TULOY pa rin ang pag-shuffle ng mga programa ng GMA 7 tuwing weekend, lalo na kapag Linggo, dahil sa pababa nitong rating.

May nasagap kaming balita na ilalagay ng Siete si Marian Rivera sa Sunday All-Stars upang palakasin ang nanghihingalong rating nito kontra sa ASAP 19 ng ABS-CBN.

Tumaas umano ng kaunti ang rating ang pang-Sabadong palabas na Marian nang alukin ng kasal niDingdong Dantes ang aktres. Dahil dito, pinag-guest muli si Marian sa SAS at may feature pa ang dalawa sa Kapuso Mo Jessica Soho kinagabihan.

Ang paglagay ni Marian sa Sunday All-Stars ay magiging pansamantala habang wala pang pinaplanong bagong teleserye ang GMA saKapuso Primetime Queen.

Mula noong umalis sa SAS sina Ogie Alcasid at Regine Velasquez ay talagang wala nang init ang show at mas nanganganib ito nang inilagay sa 2:00 p.m.upang bigyang-daan ang mga pelikula ng Siete na isinalin sa Tagalog.

Samantala, isusugal din ng GMA si Bela Padilla sa kanyang bagong drama show na mapapanood tuwing Linggo ng gabi, 9:30 p.m. simula sa August 24.

Nars ang magiging papel ni Bela sa bagong show niya at makakatambal  si Dennis Trillo.

Itatapat ng GMA ang bagong show ni Bela sa Gandang Gabi Vice at sa tingin namin, kakain si Bela ng alikabok dahil talagang mataas ang rating ng show ni Vice Ganda sa Dos.

Nabigo ang ilang mga show ng Siete na talunin ang GGV kaya good luck kay Bela sa kanyang bagong show na tila maganda dahil ito’y tungkol sa problema ng mga doktor sa probinsiya.