HATAW! D'yaryo ng Bayan hatawtabloid.com
INAPRUBAHAN na noong isang araw ni PBA Commissioner Chito Salud ang bagong trade sa PBA kung saan sangkot dito ang beteranong power forward na si Eric Menk.
Ipinamigay ng Globalport si Menk sa Alaska kapalit ng dalawang second round draft picks ngayong taong ito.
Ito ang magiging ika-apat na koponan ni Menk na pumasok sa PBA noong 1999 bilang direct-hire ng Tanduay Rhum.
Pagkatapos ay lumipat siya sa Barangay Ginebra San Miguel kung saan napili siya bilang MVP ng PBA noong 2004-05.
Sandaling naglaro si Menk sa ASEAN Basketball League para sa San Miguel Beer bago siya nakuha ng Globalport.
Magiging back-up si Menk kay Sonny Thoss sa ilalim para sa Aces habang nagpapagaling sina Calvin Abueva at Gabby Espinas sa kani-kanilang mga pilay. (James Ty III)
