Bebot kinatay ng kaaway

PATAY ang isang hindi nakilalang babae makaraan laslasin ang leeg at pagsasaksakin sa hita at kamay kamakalawa ng gabi sa Isla Puting Bato, Tondo, Maynila.

Ayon kay SPO1 Richard Escarlan, ng Manila Police District-Homicide Section, ang biktima ay tinatayang 25-30 anyos, at 5’2 ang taas.

Nabatid sa imbestigasyon, dakong 9 p.m. nang matagpuan ang bangkay ng biktima sa harap ng isang bahay sa #0085 Purok 1, Isla Puting Bato, Tondo.

“Mukhang may naganap na komprontasyon sa pagitan ng suspek at biktima, may defense wound ‘yung victims sa kamay, tapos may laslas sa kanyang leeg at dalawang saksak sa kanang hita,” ayon kay Escarlan.

Patuloy ang imbestigasyon ng pulisya sa krimen. (LEONARD BASILIO – May kasamang ulat ni John Bryan Ulanday)