HATAW! D'yaryo ng Bayan hatawtabloid.com
ni Nonie V. Nicasio
AMINADO si Romnick Sarmenta na kapag si Nora Aunor ang kaeksena mo, dapat ay may extra-effort kang ibibigay para makasabay sa galing niya.
Nagkatrabaho ang dalawa sa pelikulang Hustisya na na-ging kalahok sa katatapos na Cinemalaya 2014. Nagwagi rito ang Superstar ng kanyang kauna-unahang Best Actress award sa Cinemalaya, recently. Gumanap si Romnick bilang journalist na gustong tulungan si Guy na makapagbagong-buhay dahil miyembro ng sindikatong involve sa human trafficking.
Pangatlo o pang-apat na pelikula na raw ng aktor ito with the Superstar, ito ba ang pinaka-challenging na project na nakatrabaho niya si Nora?
“Paano ba? Mahirap… actually, ang challenge diyan, every time naman na makatrabaho mo si Ate Guy, challenge iyan e. Ibang klase rin siyempre kung umarte iyan e. So, kailangan mong… hindi naman sa tata-patan, pero kailangan mong sumabay kapag kaeksena mo siya.
“So, in a sense challenging siya dahil si Ate Guy ang kaeksena.”
So, dapat lagi kang ready o alisto?
“Dapat, kapag ito naman ang trabaho mo, dapat lagi e. Pero lalo na sa kanya, kasi nga ay unpredictable siyang artista.
“Dapat ay may extra-effort ka kapag mga katulad nina Ate Guy ang kaeksena mo, dapat may extra-effort ka talagang ibibigay.”
Pinuri rin ni Romnick ang triumvirate nina Nora, Direk Joel Lamangan, at ng scriptwriter na si Ricky Lee na si-yang nasa likod ng pelikulang Hustisya.
“Kung kilala nila si Nora Aunor bilang artista, mas malaki ang dahilan nila para panoorin ang pelikulang ito. Kasi, ibang-iba rin naman ito sa mga ginampa-nan ni Ate Guy.
“At saka kung alam nila iyong quality ng gawa nina Direk Joel at Sir Ricky, dapat ay hindi nila ito palampasin. Sa kaso ng trio nina Joel Lamangan, Nora Aunor, at saka Ricky Lee, isa ito sa pelikulang nagbibigay ng katibayan na iba talaga ‘yung samahan nilang tatlo. So, dapat ay pano-orin nila itong Hustisya,” saad pa ng dating child star na sumikat nang husto bilang si Peping sa dating hit TV series na Gulong ng Palad.
