HATAW! D'yaryo ng Bayan hatawtabloid.com
ni Rommel Placente
IKAKASAL na si Patrick Garcia sa non-showbiz girlfriend niyang si Nikka Martinez. Si Patrick ay ex ni Jennylyn Mercado na nagkaroon sila ng anak, si Alex Jazz.
Ayon kay Jennylyn sakaling imbitahan siya ni Patrick sa kasal nito ay dadalo siya.
“Kung invited, bakit hindi?” sabi ni Jennylyn.
“Okey kami ni Patrick. Wala namang problema.”
Nakilala na raw ni Jennylyn noon pa ang magiging misis ni Patrick.
“Hindi pa siya buntis noon, magkakilala na kami. Matagal na.”
Samantala,may balitang nakipagbalikan si Jennylyn sa ex niyang si Dennis Trillo. Inililihim lang daw ng dalawa ang kannilang pagbabalikan. Na ayon naman kay Jennylyn ay walang balikang nangyari sa kanila ni Dennis.
“Hindi kami nagkabalikan,” tanggi ni Jennylyn.
“Magkaibigan lang kami niyon. Ayoko na kasi ng may kasamaan ng loob, ‘di ba? Tapos na naman ‘yung mga nangyari noon. Kinalimutan ko na ‘yun. Ang importante ngayon, okey ako sa mga naging boyfriend ko.”
Kayo ba ni Luis Manzano, okey na rin ba?
“Hindi pa,” pag-amin ni Jennylyn.
Kung hindi nakipagbalikan si Jennylyn kay Luis, ibig sabihin nito ay single pa rin ang aktres. Hindi pa raw siya handang pumasok ulit sa isang relasyon.
“Time na lang ang makapagsasabi kung kailan ulit ako makikipagrelasyon,” sabi pa ni Jennylyn, ang bagong endorser ng ZH & K Mobile.
