Baka humanga sa pagtugtog ng trombone ng amo

NATAWAG ng farmer ang pansin ng mga alaga niyang baka sa pamama-gitan ng pagtugtog ng trombone. (ORANGE QUIRKY NEWS)

NAKAISIP nang magandang paraan ang isang farmer sa Kansas sa pag-aliw sa alaga niyang mga baka, sa pamamagitan ng pagtugtog sa mga ito ng trombone.

Ini-post ni Derek Klingenberg, inilarawan ang kanyang farm bilang lugar “where I raise grain, beef, kids and creativity,” ang kanyang pagtugtob ng trombone sa kanyang YouTube site.

Tinugtog ng 35-anyos ang Lorde song Royals upang makuha ang atensiyon ng mga baka.

Sa nasabing video, mapapanood siya habang mag-isang nakaupo at pinatutugtog ang instrumento.

Pagkaraan ay napansin siya ng mga baka na isa-isang lumapit sa kanilang amo.

Kalaunan ay nakapila na ang mga baka sa ilang rows ilang metro ang layo mula sa harap ng farmer, at umuunga kasabay ng tuno ng trombone.

Bagama’t natuto ng trombone ang farmer noong siya ay fifth grade pa lamang sa paaralan, sinimulan niya ang pagtugtog nito sa mga baka limang linggo pa lamang ang nakararaan.

Aniya, ang dahilan kung bakit nakukuha niya ang atensiyon ng mga baka ay dahil ang nasabing mga hayop ay ‘curious creatures’ at batid nilang may ibibigay na pagkain ang farmer bukod sa pagtugtog ng trombone.

Aniya, ang kanyang performance ay hudyat ng pagbibigay niya ng snack na molasses, at ito ang pangunahing nakahihikayat sa mga baka.

“When they hear it they know they’re getting a treat,” aniya.

“They’re curious. They’re a good audience.” (ORANGE QUIRKY NEWS)