HATAW! D'yaryo ng Bayan hatawtabloid.com
TODAS ang pito katao at sugatan ang 20 pang biktima nang mawalan ng preno ang sinasakyang trak na bumangga sa mga puno ng niyog sa Linamon, Lanao Del Norte, nitong Sabado.
Agad binawian ng buhay ang apat na sina Rasmiya Didaagun, 25, kapatid niyang si Jaon, 12; Noraima Pundag, 22; at Mabul Obing, 35; habang namatay sa ospital sina Amarodin Linang, Abdul Rashid Hasan, at Moaday Sanairay.
Sa ulat ng Linamon PNP, sakay ng assembled truck na minamaneho ni Abdul Azis Baro, ang mga biktima nang mawalan ng preno dahilan upang bumangga sa mga puno ng niyog.
Pauwi na sana sa Munai, Lanao del Norte galing sa isang vigil sa ilang kaanak sa Wato, Lanao del Sur ang mga biktima nang maganap ang insidente sa Matungo Provincila Road, Linamon, Lanao del Norte.
Ang driver na si Baro, kabilang sa 20 nasugatan, ay nasa malubhang kondisyon.
(BETH JULIAN)
