HATAW! D'yaryo ng Bayan hatawtabloid.com
ni Roldan Castro
NABITIN kami sa first indie movie ni Ai Ai Delas Alas na Ronda nang mapanood namin ito sa CCP para sa New Breed Category ng Cinemalaya X Film Festival. Highlight niya ang ending ng pelikula pero pinutol ito at naririnig na lang ang hagulhol niya sa pag-iyak habang lumalabas ang closing credits.
Pero challenging ang love scene nila ni Cesar Montano na naka-bra siya at nagpasilip ng kaunting boobs.
Seryosong aktres si Ai Ai sa Ronda. Kakaiba ito sa mga nagawa niya na nagpapatawa siya.
Ayon kay Ai Ai , malaki ang pagkakaiba ang acting sa indie sa acting sa mainstream movie.
“Sa mainstream, spoiled ka; maraming Production Assistant. Sa indie, okey na kung anong ilaw ang nandiyan. Basta, sige ka lang ng sige, natural ka, sa mainstream, uma-anggulo ka sa kamera.
“Ang instructions ni Direk Nick (Olanca) sa akin, ‘wag akong aangulo at aarte na artista. Less is more. Dapat all-natural,” bulalas ni Ai Ai.
Co-producer si Ai Ai sa pelikulang ito pagkatapos ng Kung Fu Divas pero after niyang mapanood ang Ronda ay worth it daw.
“Oo, lahat ng pagod, lahat ng mga pinaghirapan namin, lahat ng gastos namin, nakatututuwa naman. Masaya ako bilang producer kasi marami rin ang nanonood sa Trinoma, sa Greenbelt. Nakita naman natin marami rin ang nanonood dito sa CCP kaya thank you sa lahat ng sumuporta sa amin. Mas okay ito kasi mas mura, unlike sa mainstream, P5-M ang pinakamababang percent,” deklara pa niya.
Nag-i-expect ba si Ai Ai na mag-win sa Ronda?
“Nominasyon lang, masaya na ako. ‘Pag nanalo ng award, bonus na ‘yun. ‘Pag gusto ni God na manalo ako, game na. At least kahit ano ang mangyari, na-experience ko makagawa ng indie film,” sey pa niya.
Kasama sa pelikula sina Carlos Morales, Julian Trono, Carlo Aquino, Cogie Domingo, Perla Bautista, Angeli Bayani , Menggie Cobarrubias, Bernardo Bernardo, Lao Rodriguez, DM Sevilla, Kiko Matos, at Moi Bien.
‘Yun na!
