HATAW! D'yaryo ng Bayan hatawtabloid.com
TUTOK lang sa programa ng GMA News TV na Gandang Ricky Reyes Todo Na Toh (GRR TNT) ngayong Sabado, 9:00-10:00 a.m. para masaksihan ang magkumareng Mader Ricky Reyesat Mama Renee Salud na kilala sa kani-kanilang larangan.
Ipaparada ng mga finalist ng 2014 Mutya Ng Pilipinas ang mga obrang long gown ni Mama Reneee na ginamit nila sa evening gown competition na ginanap sa Palawan.
Ipapasyal din tayo ni Mama sa kanyang shop na naka-display ang koleksiyon ng kanyang mga idinisenyo at nilikhang damit para sa iba-ibang sikat na tao sa alta sosyedad, politika, at showbusiness.
‘Pag sa pag-aayos ng buhok at paglalagay ng make-up ay wala nang tatalo kay Mader at ngayong Sabado’y may demo siya ng bagong hair style na sexy curls at wig na yari sa tunay na buhok ng tao. Kaya naman ang statement niyang ”Ang Gandaaah” na ginamit sa isang shampoo commercial ay sikat na sikat hanggang ngayon.
Dadalaw din ang pilantropong beauty guru sa Childhaus na napatutunayang ang ganda ng tao’y ‘di lang sa panlabas na anyo. ”Kampeon din sa kagandahan ang mga ginoo at ginang na sumusuporta sa pansamantalang bahay tuluyan ng mga batang maysakit. Tunay na walang hihigit pa sa ganda ng puso ng kanilang mga supporter na kilala bilang ninong at ninang na walang sawa sa pagbibigay sa kanila ng tulong at pagmamahal,” sabi ni Mader RR.
Sa mga nagnanais maging seksi at malusog, may irerekomendang pagkain, prutas, at gulay si Mader. Talagang maganda ka kapag ang anyo mo’y beautiful at healthy at super makinis ang balat at mukha.
Basta usapang kagandahan, kalusugan, at pananamit, samahan lagi si Mader Ricky sa GRR TNT na handog sa inyo ng ScriptoVision.
