HATAW! D'yaryo ng Bayan hatawtabloid.com
MARAMING Karerista ang nagtatanong o nabubuwisit na talaga sa liyamadong kabayo na outstanding favorite sa betting pero natatalo ito. Hindi man lang nakikita sa timbangan ang mga ito matapos ang karera.
Sa mga ilang karerang nagdaan bigo ang Bayang Karersita sa mga tinayaan nilang outstanding favorite sa betting.
Napapanood ng Bayang Karerista sa mga TV monitor sa mga OTB kung paanong gawaan ng paraan ng isang hinete ang kanilang sakay para matalo.
Kung hindi daw ito maiwan sa starting gate, ibubuka nito ang pagdadala sa kurbada papasok sa homestretch at minsan ayaw nito bigyan ng magandang ayuda upang gumalaw mabuti ang kanyang sakay.
Marami pang paraan ang ginagawa ng isang hinete para matalo sa laban ang kanyang sakay.
Isa pa, bakit hindi napaparusahan ang isang hinete sa GARAPALANG pagdadala ng kanyang sakay? Hindi ba ito nakikita ng mga Board of Stewards ng tatlong karerahan dito sa ating bansa.
Ano raw ba talaga ang trabaho ng mga Board of Stewards?
TANONG PO ‘YAN NG BAYANG KARERISTA!
***
Naiuwi ng kabayong MALAYA na pag-aari ni Mandaluyong Mayor Benhur Abalos,Jr. ang kampeonato sa PCSO National Grand Derby (Substitute Group) na umarangkada sa karera ng Santa Ana Park.
Tumataginting na P800,000 ang tinanggap ng may-ari ng Malaya sa pagwawagi nito.
Pumangalawa dito ang Tap Dance na may premyong P350,000; Pangatlo ang Manalig Ka may premyong P200,00 at pang-apat na Wild Talk.
Ang pakarera ay para sa benepisyo ng Pugad Lawin sa NorthernView (PLN) para sa PLN’s Medical and Charitable Missions.
CONGRATULATIONS Mayor Benhur Abalos,Jr.
***
Wala ng makakapigil pa sa National Press Club Racingfest na hahataw sa darating na Agosto 10 araw ng linggo sa karerahan ng Metro Turf Club sa Malvar-Tanauan City, Batangas.
Ito ang ikatlong pakarera ng NPC Challenge Cup na inisponsoran ng Philippine Racing Commission (Philracom) na may premyong cash prize na P180,000 at tropeo para sa mananalong kabayo.
May 10 trophy races na may premyong cash prize at tropeo sa mga mananalong kabayo.
***
Tuloy na tuloy na rin ang 2nd Press Photographers of the Philippines Inc. Charity Race sa Agosto 16, 2014 na gaganapin sa karerahan ng San Lazaro Leisure and Business Park sa Carmona,Cavite.
Inisponsoran ito ng Philippine Racing Commission (Philracom) para sa benepisyo ng mga opisyal at miyembro ng PPP na mangangailangan ng tulong sa darating na panahon.
Lubos din pong nagpapasalamat ang PPP sa mga tumulong at nag-isponsor upang matuloy at gumanda ang pakarerang ito.
SA INYONG LAHAT MARAMING MARAMING SALAMAT PO !
***
Abangan po natin Bayang Karerista ang paghaharap ng dalawang kabayong hinahangahan ng mga mananaya sa darating na 6th Annual Mayor Ramon D. Bagatsing Cup na hahataw sa karerahan ng San Lazaro Leisure and Business Park sa Agosto 17, 2014.
HAGDANG BATO O CRUSIS saan mo ilalagay ang TAYA mo Chokaran?
Ni FREDDIE M. MANALAC
