HATAW! D'yaryo ng Bayan hatawtabloid.com
LUMULUHANG dumulog sa himpilan ng pulisya ang isang 24-anyos bading makaraan babuyin at bugbugin ng isang callboy kahapon ng madaling-araw sa Caloocan City.
Namamaga ang labi dahil sa kagat, gula-gulanit ang bra at damit ng biktimang kinilalang si Daniel Lim alyas Beki, 25-anyos, ng M. Maysan, Brgy. Maysan, Valenzuela City.
Habang pinaghahanap ang hindi nakilalang suspek na mabilis na tumakas makaraan ang insidente.
Salaysay ng biktima, dakong 4 a.m. makaraan makipag-inoman sa kanyang mga amiga sa isang kilalang tambayan sa Monumento ay nakipagkilala sa kanya ang suspek.
Isinama aniya siya ng suspek sa isang maliit na bahay sa Sangandaan at doon sila nagsiping.
Ngunit pinahirapan aniya siya ng suspek at siya ay pinagkakagat sa iba’t ibang bahagi ng katawan.
Sapilitan din aniyang ipinagawa sa kanya ang bagay na hindi niya kayang sikmurain ngunit dahil sa bugbog ay napilitan siyang sundin ang suspek.
Nang makaraos ang suspek ay nagbantang may mangyayari sa kanya kapag umalis sa nasabing bahay.
Nang umalis ang suspek tangay ang kanyang cellphone ay tumakas ang biktima at nagsumbong sa himpilan ng pulisya.
(ROMMEL SALES)
