P.1-M patong sa ulo ng rapist (Sa baby sa ilalim ng jeepney)

NAGLAAN ng halagang P100,000 bilang pabuya si San Juan City Mayor Guia Gomez sa sino mang makapagtuturo sa suspek na gumahasa at pumatay sa isang sanggol na babae na iniwang walang buhay sa ilalim ng jeep sa nabanggit na lungsod.

Kaugnay nito, inilibing na kahapon sa Pasig City Public Cemetery ang labi ng biktimang si Baby Geraline Cortes, isang taon gulang.

Lumilitaw sa autopsy report na may blunt traumatic injury sa tiyan ng bata na ikinasugat ng kanyang atay, at hinihinalang ginahasa muna bago pinatay.

Libreng serbisyo ang ipinagkaloob ng Funeraria Quiogue para sa burol at paglilibing sa biktima.

Habang pinagkalooban ng pamasahe ng ilang NGOs at TV network ang mga magulang ng biktima na sina Geraldine Cortes, 26, at Ariel Cortes, 44, upang makauwi na sa Cebu dahil wala silang permanenteng tirahan sa lungsod.

Ngunit bago umuwi ang mag-asawa ay magkakaroon muna ng close door meeting kasama ang San Juan Police para sa desposisyon ng kasong pagpatay sa kanilang anak.

(ED MORENO)