HATAW! D'yaryo ng Bayan hatawtabloid.com
SUGATAN ang 14 pasahero nang magbanggaan ang bus at pampasaherong jeep sa Makati City kahapon ng umaga.
Nabatid na minor injuries lamang ang dinanas ng mga biktimang agad isinugod sa pagamutan.
Base sa report ng Makati City Traffic Bureau, naganap ang insidente pasado 6 a.m. sa panulukan ng Ayala Avenue at EDSA ng naturang lungsod.
Ang nagsalpukan ay pampasaherong jeep (NVE-969) at Claro Bus Trans (UYE-279).
Sa inisyal na ulat, sinasabing nagpumilit tumawid ng EDSA kahit naka-red light, ang naturang jeep kaya’t nasapol nang umaarangkadang bus.
Isinasailalim na sa imbestigasyon ang driver ng jeep at driver ng bus habang hinatak ang kanilang sasakyan patungong Makati City Traffic Center.
(JAJA GARCIA)
