HATAW! D'yaryo ng Bayan hatawtabloid.com
ni Rommel Placente
SA kabila ng malakas na ulan noong Sabado ng gabi ay naging matagumpay pa rin ang concert ni Gary Valenciano billed as na ginanap sa SM MOA Arena. Witness kami na puno ang venue. Isa kasi kami sa mga nanood ng nasabing concert ng tinaguriang Mr. Pure Energy.
Hindi nga makapaniwala si Gary sa success ng kanyang Arise Concert.
Ayon sa kanya, two weeks ago ay sinabihan daw kasi siya na 18% pa lang daw ang nabibili sa tickets. Kaya talagang nagulat daw siya na naging matagpumpay naman pala ito, na marami ang nanood.
Sa tingin ni Gary, malaking factor o tulong daw na ang mga guest niya ay nag-promote sa kani-kanilang Twitter at Facebook account. At ang mga Pinoy naman daw kasi ay bumibili ng tickets sa araw mismo ng concert.
Anyway, nag-enjoy kami sa concert ni Gary V. Kahit sa darating na birthday niya sa August 6 ay 50 years old na siya, ay hataw pa rin siya sa pagsasayaw sa stage. Hindi pa rin talaga kumukupas ang isang Gary V sa kabila ng kanyang edad.
Allen, nagkaka-pelikula lang ‘pag siya ang producer!
NABASA namin ‘yung interview ni Allen Dizon sa Philippine Entertainment Portal na sinabi niya na mas gusto raw niyang gumagawa ng indie film kaysa mainstream.
Siyempre ‘yun ang sasabihin niya dahil wala namang kumukuha sa kanya sa mainstream, ‘no? Puro sa indie film lang naman siya kinukuha. At kaya lang din naman siya nagkakaroon ng indie film ay dahil ang manager niyang si Dennis Evangelista mismo ang producer. At kapag nagla-line produce ito ng isang indie film ay isinasama niya si Allen.
Kung hindi pa sa kanyang manager ay hindi rin mapapanood sa indie film si Allen.
Matagal na rin naman sa showbiz si Allen pero sa totoo lang marami pa rin ang hindi siya kilala. Hindi talaga nagmarka ang pangalan niya sa showbiz.
