Friday , April 4 2025

3 intsik habambuhay sa droga (Sa Parañaque shabu lab)

080614_FRONT

IKINAGALAK ng pamunuan ng PDEA ang naging hatol ng korte na habambuhay na pagkabilanggo laban sa tatlong Chinese nationals dahil sa pag-operate ng shabu laboratory sa Parañaque at pinagbabayad ng tig-P10 milyong piso ang bawat akusado.

Napatunayan ng Parañaque City Regional Trial Court Branch 259, na guilty beyond reasonable doubt dahil sa pagpapatakbo ng shabu laboratory ang tatlong Chinese na kinilalang sina Chu Kin Tung alyas Tony Lim, Wong Meng Pin alyas Chua, Li A Ging alyas Lee Ah Ching.

Ang mga akusado ay may kasong paglabag sa Section 8 at Section 11, Article II ng Republic Act 9165 o Comprehensive Dangerous Drugs Act of 2002.

Ayon kay PDEA Director General Arturo Cacdac, isang magandang balita para sa ahensiya ang paghatol na guilty ni Judge Suarez laban sa tatlong Chinese.

Naaresto ang tatlo ng mga operatiba ng PNP-AIDSOTF noong Enero 29, 2010 nang salakayin ang warehouse sa No. 144 Concha Cruz Drive, BF Homes, Parañaque City, batay sa search warrant.

Nakompiska sa nasabing raid ang hindi mabilang na volume ng shabu, iba’t ibang uri ng mga kagamitan at apparatus sa paggawa ng shabu, isang Glock pistol na may suppresor, at isang hand grenade.

Samantala, ang mga co-accused sa kaso na sina Robin Bayubay at Xiu Xiu ay hindi pa nababasahan ng sakdal at nananatiling at large hanggang sa kasalukuyan.

HATAW News Team

About hataw tabloid

Check Also

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Duterte ICC

Para sa pagsusulong ng Crime Against Humanity
1 KASO NG MURDER SWAK PARA LITISIN SI DUTERTE – ICC

HATAW News Team ISANG kaso lang ng pagpatay ay sapat na para lumarga ang Crime …

Myanmar

PH humanitarian team ipinadala sa Myanmar

BUMIYAHE na ang Philippine Inter-Agency Humanitarian Contingent (PHIAC) upang tumulong sa search, rescue, at retrieval …

COMELEC Vote Election

34 reklamo ng vote buying, vote selling inireklamo

INIULAT ng Commision on Elections (Comelec) na umabot sa 34 kaso ang mga iniulat sa …

Lisensya ng SUV at motorcycle drivers sa Antipolo road race, sinuspinde ng LTO

Lisensya ng SUV at motorcycle drivers sa Antipolo road race, sinuspinde ng LTO

PINATAWAN ng 90-araw suspensiyon ng Land Transportation Office (LTO) ang lisensiya sa pagmamaneho ng SUV …

Leave a Reply

Your email address will not be published. Required fields are marked *