Killer tandem pumalag sa parak tigbak

SINISIYASAT ng mga tauhan ng Manila Police District-Homecide Section ang bumulagtang riding in tandem makaraan makipagpalitan ng putok sa mga pulis sa P. Burgos Dr., Intramuros, Maynila.  (BONG SON)

BUMULAGTANG walang buhay ang dalawang hindi nakilalang lalaki nang makipagpalitan ng putok sa dalawang pulis na sumita sa kanila kahapon ng madaling-araw sa Ermita, Maynila.

Ayon sa ulat ni PO2 Michael Maragun, dakong 4:25 a.m. nang maganap ang insidente sa Round Table, P. Burgos Drive, Intramuros, Maynila.

Lulan ng itim na Honda wave 100 (1273 UP) ang dalawang lalaki sa nabanggit na lugar nang sitahin nina PO1 Ricardo Lo at PO1 Vhermon Guerrero, kapwa nakatalaga sa Manila Police District Mobile Patrol, Ermita Police Station 5.

Ngunit biglang bumunot ng baril ang dalawang lalaki na nagresulta sa palitan ng putok.

Hinala ng pulisya, ang dalawang napatay ay kabilang sa mga nanghoholdap sa lugar.

(LEONARD BASILIO – May kasamang ulat ni John Bryan Ulanday)