Desperado nanratrat at nagbaril sa sentido ( Mag-asawang biyenan patay, live-in partners kritikal)

PATAY ang mag-asawang biyenan habang kritikal ang mag-live-in nang magwala at mamaril ang 33-anyos lalaki na ayaw nang balikan ng kanyang kinakasama sa Sta. Ana, Maynila, kamakalawa.

Hindi na nadala sa ospital ang mga biyenan ng suspek (nasa kritikal na kondisyon) na kinilalang si Arvi Villa, 33, ng No. 3 Aquarius St., Remarville Subd., Bagbag, Novaliches, Quezon City, nang magbaril sa sariling sentido matapos ratratin ang mag-asawang Sergio Aguilar, 47, at Maria Lourdes Aguilar, 46, habang kritikal sa Philippine General Hospital (PGH) si Maridref Tolentino, 26, pawang residente ng Unit 104 Tenement Building, Punta, Sta Ana.

Sa imbestigasyon ni PO3 Marlon San Pedro, ng Manila Police District- Homicide Section, dakong 9:30 p.m. nang maganap ang insidente sa loob ng bahay ng mga biktima.

Dumating ang suspek para hikayatin ang kinakasamang si Tolentino pero matigas na tumanggi kaya nagwala si Villa.

Habang umaawat ang ina ni Tolentino na si Maria Lourdes at madrasto na si Sergio, binaril ng suspek ang mag-asawa na agad namatay noon din, saka isinunod na binaril ang sinusuyong live-in.

Nang makitang tumimbuwang din si Tolentino, nagbaril ang suspek sa sentido habang nasa loob ng banyo.

Napag-alaman na may anim na taon nang nagsasama ang suspek at si Tolentino pero dahil sa matinding away umalis ng bahay ang babae.

ni LEONARD BASILIO