Beauty Gonzales, puwedeng pumalit (Ngayong umayaw na si Cristine sa pagpapa-sexy…)

ni Timmy Basil

ANG  laki ng transformation ni Beauty Gonzales kung ikukompara noong  nasa loob pa siya ng PBB House as teen housemate. Noon kasi ay medyo chubby si Beauty pero ngayon, seksing sexy na siya. Katunayan, isa siya sa umani ng malakas na tilian nang rumampa sa FHMparty kamakailan.

Lalong  hahangaan ang magandang hubog ng katawan ni Beauty dahil siya ngayon ang pabalat ng FHM magazine.

Nasilip ko na ang magazine na cover si Beauty, akala mo isa siyang foreign model, naka-black 2 piece siya at pang-model talaga ang dating.

Sinasabi ni Cristine Reyes na sawa na siya sa pagpapa-sexy, iiwanan na niya ito although may mga nabanggit siyang artista na posibleng pumalit sa kanya.

Hindi niya nabanggit ang name ni Beauty pero sa totoo lang, puwede talaga siyang pumalit kay Cristine.

Nakatutulong talaga sa career ni Beauty ang kanyang pagpapa-sexy dahil binigyan siya ng  magandang role  sa Moon of Desire at sa tingin ko, sooner or later ay bibigyan ng Dos si Beauty ng solo starrer, mark my word.

INC, BINATI NI OBAMA

KATOLIKO ako pero walang piring ang aking mga mata, kung may isang religious group na sa tingin ko kapuri-puri ang ginagawa, ito ay ang Iglesia Ni Cristo na nakasungkit ng 2 Guinness World records kamakailan in connection with their centennial celebration.

Napanood ko rin ang stage play ng mga miyembro ng INC na ginanap sa Philippine Arena na napanood ng live via INCtv at pang-Guinnessdin ang naging performance nila, ang daming cast na sa tingin ko ay umabot din ng libo,  ni walang nagkamali sa kanilang dialogue, ang ganda ng pagkakanta, ang ganda ng narration, halos lahat ng performers may lapel pero ‘di ko man lang naringgan na may nag-feedback sa mic,  ang lights superb, grabe, saludo ako sa kanila.

Na-imagine ko kung paano  ang naging rehearsals niyon to think na ang daming characters,  ang daming scene,  pero sa final performance, very smooth , walang nagkamali maging ang dancers okey.  May isa pa silang kanta na  isinalin nila sa iba’t ibang lengguwahe, ang galing.

At ito pa, binati sila ni US Presidente Barrack Obama for their Centennial celebration.

Nakabibilib ang INC, palibhasa nagkakaisa talaga sila.