Baby girl todas sa rapist (Bangkay iniwan sa ilalim ng jeep)

NATAGPUANG walang buhay ang isang taon gulang sanggol na babae at walang saplot na pang-ibaba, sa ilalim ng nakaparadang pampasaherong jeep sa Don Ejercito Street, Brgy. Tibagan, San Juan nitong Biyernes ng umaga.

Ayon sa jeepney driver na si Efren Martinez, naglilinis siya ng kanyang jeepney nang matagpuan ang bangkay ng sanggol sa ilalim ng sasakyan dakong 8:30 a.m.

Nakita sa footage ng closed-circuit television (CCTV) camera ng kalapit na bahay, ang isang kabataang lalaking nakasuot ng white striped shirt at denim shorts na naglalakad habang karga ang sanggol na buhay pa dakong 3:17 a.m.

Hinala ng mga residente, ang sanggol ay ginahasa dahil sa nakitang sugat sa kanyang ari.

Ngunit sinabi ng mga awtoridad, kailangan pa nila itong kompirmahin.

Anila, iimbestigahan nila ang posibleng dahilan ng pagkamatay ng sanggol dahil walang nakitang sugat sa kanyang katawan.

Hinahanap din nila ang isang babae na unang nag-ulat na nawawala ang kanyang anak dakong 1 a.m.