La Greta, ayaw pag-usapan ang ukol sa kasalan

ni RONNIE CARRASCO III

PALIBHASA kapado na ng entertainment press ang karakas ni Gretchen Barretto, at her recent presscon when surrounded by the media ay puro mga pa-cute questions muna ang mga ibinabatong tanong sa kanya.

As a figure of speech, mahihiya ang palabok sa rami ng mga pasakalye before any reporter would dare ask Gretchen ng anumang kontrobersiyal at napapanahong tanong. Kabilang dito ang mga isyung sangkot ang kanyang mga kapatid na sinaMarjorie at Claudine.

Marjorie sa isyung nais nitong ipagamit sa kanyang anak na si Julia ang apelyidong Barretto in all her official documents, thus dropping the name Baldivia na tunay nitong apelyido mula sa amang si Dennis Padilla.

Claudine, on the other hand, sa isyung paglalantad naman nito ng mga larawan insinuating that she was a “battered person,” na isa ring malaking bilao ng palabok ng laos ng aktres when she could have directly pointed her accusing finger at her estranged husband Raymart Santiago.

Pero sa kabila ng mga katsipang isyu confronting her family, as usual, pinairal na naman ni Gretchen ang kanyang anti-media stance by choosing to flaunt her signature shoes and outfit.

Nang tanungin ng isang TV reporter if she (Gretchen) imagined herself wearing a bridal gown, sagot ng hitad, ”I don’t wanna answer your question,” na ikinatahimik na lang ng nagtanong.

Sa naging umpukan namin ng nasoplang TV reporter, pagmamalaki niya, ”At least, ikinasal ako…at may college diploma ako.”