HATAW! D'yaryo ng Bayan hatawtabloid.com
ni Peter Ledesma
For the very first time, magha-handle na ng male talent ang Viva Recording artist/businesswoman na si Ms. Claire dela Fuente. Nang i-post niya sa kanyang Facebook Account ang sinasabi nating alaga ng singer na si Austin Michael Vasquez, na isang Fil Am, na sa sobrang kagwapohan, tangkad at “yummy” body ay thousands likers na agad ang nag-like ng kanyang picture.
Nang dalhin siya ni Claire sa opisina ng Viva at ipakita sa matalik na kaibigang si Boss Vic del Rosario, kaagad inalok ni Boss Vic si Austin ng 10 pictures contract na isa na siya sa magiging bida sa sikat na istorya sa Wattpad tulad ng mga blockbuster movie na Diary ng Pangit at She’s Dating The Gangster na kinagigiliwan halos lahat ng ating young generations.
S’yempre sobrang proud si Claire sa alok ni Boss Vic sa kanyang papable and papalicious protegee at very flattering naman for Austin.
By the way, kasalukuyang nasa States ang nasabing bagong iibiging hunk ng industriya dahil may mga importanteng bagay siyang inaasikaso roon.
Pero babalik rin siya ng bansa sa September para harapin na ang showbiz at i-fullfil ang dream na maging actor. Na-discover pala ni Claire si Austin, sa dinudumog niyang restaurant sa Seaside sa Macapagal Avenue na ang may-ari ng buong place ay Tita ng bagong gwaping na alaga.
Well nakikita na namin ang magandang future ni Austin sa hinaharap at nagbabadya ang pagsikat niya ngayong 2014.
GRAND FINALS NG SUFFER SIREYNA, MANGYAYARI NA BUKAS SA EAT BULAGA
Pagkatapos ng matagumpay na grand finals, ng Super Sireyna Worldwide na ang Miss Nigeria na si Sahhara ang siyang nagwagi bilang first titlist sa nasabing International Gay Beauty Pageant sa Eat Bulaga, mamayang tanghali naman ay tiyak na riot, ang magaganap na Grand Finals para sa kauna-unahang Suffer Sireyna 2014.
Kabilang sa 10 Grand Finalists na maglalaban-laban para sa iisang titulo na siyang mag-uuwi ng premyong P200K plus trophy and sash ay sina Miss China Marian Rivera, Miss Myammar Sam Pinto, Miss Czech Republic Marian Rivera, Miss Chile Georgina Wilson, Miss Malaysia Marian Rivera, Miss Norway Pia Guanio, Miss India Isabelle Daza, Miss Angola Georgina Wilson at another Marian Rivera na Miss Japan.
Bahagi ng cash prize na matatanggap ng tatanghaling winner na ang kalahati ay ibibigay sa barangay kung saan siya residente. Malaking puntos para sa magwawaging Suffer Sireyna ang naipon nilang plastic bottles at kung sino ang may pinakamarami at may pinakamabigat na timbang sa lahat ay ‘yun, ang malaki ang chance na makakuha ng korona sa araw na ‘yun.
Gaganapin sa Broadway Studio ng Eat Bulaga ang nasabing finals, na ang nag-imbita sa programa ng mga personalidad at popular celebrity sa kani-kanilang mga larangan para magsilbing judges sa nasabing event.
