Asset ng pulis kritikal sa ambush

KRITIKAL ang kalagayan sa pagamutan ng isang pintor na sinasabing asset ng mga parak, makaraan barilin ng hindi nakilalang suspek kamakalawa ng gabi sa Valenzuela City.

Ginagamot sa Valenzuela General Hospital ang biktimang si Bernardo Mateo, 41, ng Heremias St., Brgy. Karuhatan ng nasabing lungsod, sanhi ng isang tama ng bala ng baril sa ulo.

Batay sa ulat ng pu-lisya, dakong 10:30 p.m. nang maganap ang insidente sa tapat ng SSS building sa MacArthur Highway, Brgy. Karuhatan.

May natanggap na tawag umano ang biktima mula sa hindi pina-ngalangang kaibigan at pinapupunta siya sa nasabing lugar upang big-yan ng mahalagang impormasyon.

Pagdating sa lugar biglang binaril ang biktima ngunit hindi tinamaan. Agad niyang pinaharurot ang motorsiklo para makatakas ngunit su-memplang kaya naabutan ng suspek na lulan din ng motorsiklo saka malapitan siyang binaril sa ulo.

Sa imbestigasyon ng pulisya, sinasabing marami nang naibigay na impormasyon ang biktima sa mga awtoridad na nagresulta sa pagkaka-dakip sa mga sangkot sa ilegal na gawain lalo na sa droga. (R. SALES)