Echo at Kim, 2 years pa ang hihintayin bago gumawa ng baby

ni Rommel Placente

LAST year ay sina Kathryn at Julia Montes ang itinanghal na Yes! Magazine’s Most Beautiful Star. This year ay ang Pop Princess na si Sarah Geronimo.

“Gulat na gulat po ako na ako na ako ‘yung napili na most beautiful star ng Yes! Magazine. Surprised ako na ako po ngayon ‘yung nasa cover nila. Maraming salamat siyempre. Nakakataba naman ng puso na nakikitaan tayo ng ganda,” sabi ni Sarah sa presscon ng Yes! Magazine’s Most Beatiful Stars 2014.

Pasok din si Jericho Rosales at ang kanyang misis na si Kim Jones sa list ng 100 Most Beautiful Stars. Nang dumating si Echo sa event, napansin namin na maganda ang aura niya, fresh looking siya. Kaya sinabi namin sa kanya na ang gwapo niya ngayon. Na sinagot naman niya na dahil happy siya na ang ibig niyang sabihin ay happy siya sa buhay may-asawa at sa piling ni Kim.

Nang tanungin naman namin siya kung kailan nila balak magka-anak ni Kim, ang sagot niya ay, “Two years from now. Ie-enjoy muna namin ang isa’t isa.”