Julia, makapagde-decide kapag nasa tamang edad na

ni Ronnie Carrasco III

SAMANTALA, inaanak pala ni Joey de Leon si Julia.

“Basta wala akong kinakam-pihan kina Pareng Dennis at Mareng Marjorie,” this after Tito Joey saw part of Dennis’s live guesting on Startalk sa July 12 episode nito, partikular ang pagbagsak ng luha mula sa mga mata ng komedyante.

Wala kasi si JDL noong guesting na ‘yon ng kumpare.

Pero suhestiyon niya, ”Dapat siguro ‘pag nasa hustong gulang na si Julia, let her decide kung kanino talagang apelyido ang gusto niyang gamitin. Disisais-anyos pa lang ‘yung bata,  too young to understand kung anong isyu sa kanyang mga magulang.”

Isasaboses din namin uli ang katwiran ng kapatid ni Dennis na si Gene, ”ang naiipit kasi dito, eh, ‘yung bata.” Na sinang-ayunan ng isang anak ng komedyante from his previous marriage na si Luis, ”The issue is between the parents, so there’s no need para madamay ang anak.”