Aljur, may attitude kaya pinalitan ng isang clothing brand

ni Roldan Castro

USAP-USAPAN ngayon na isa umano sa idinadahilan ni Aljur Abrenica ng pagrerebelde saGMA Artist ay ang pagkakansela ng kanyang kontrata sa isang clothing brand sa bansa.

Hindi umano inasikaso ang launching  niya at noong nakaraang photo shoot, ini-request niya sa kausap sa GMA Artist na dalhin ang tatlong  underwear para makita niya kung saan siya komportable pero hindi dumating. Tapos, sinabihan na raw siya na mag-pictorial na. Siyempre, nag-react si Aljur.

Sabi naman ng isang source na nakausap namin, bakit daw isisisi sa  GMA Artist samantalang kasalanan umano ni Aljur  kung bakit nawala  siya sa naturang clothing brand. Baka lumabas daw ang tunay na rason kung ‘yan ang pinalalabas niya.

Rati raw ay may nagawa na raw kapalpakan si Aljur sa nasabing produkto pero hinilot ng GMA Artist. Binigyan daw siya ng second chance. Pero itong huli, ang head na umano ng naturang clothing brand ang nagdesisyon na palitan na siya dahil naubos na ang pasensiya nila.

Ayon sa isang blind item na lumabas, may attitude umano si Aljur. Hindi na ma-take umano ng mga boss ng naturang produkto ang  kayabangan at sobrang pagpapaimportante nito sa sarili?

True kaya ito? Bukas ang panig ni Aljur sa ikalilinaw ng isyu.