Tunay na babae sa Wendy’s

MAY buhok siyang kulay tanso, peppy na personalidad, malawak na hanay ng ethnically diverse na mga kaibigan, at alam niya kung aano hihimukin ang milyon-milyon para bumili ng Monterey Ranch Crispy Chicken Sandwich.

Siya ang Wendy’s Girl.

At ang aktres na gumanap sa ‘all-knowing, slightly kooky burger lover’ sa nakalipas na dalawang taon ay isang 28-year-old Alabama native na ang pangalan ay Morgan Smith Goodwin. (Idinagdag niya ang kanyang ikalawang apelyido makaraang magpakasal kay Dave Goodwin, ang manager ng New York City restaurant na Gramercy Tavern.) Habang ang kanyang karakter ay nananatiling walang pangalan sa mga TV commercial ng sikat na fastfood chain, hindi naman malayong siya na nga si Wendy, ang dalagitang may freckles sa mukha at pulang buhok na nakatali sa magkabila ng kanyang tainga na makikita sa logo ng isa sa pinakasikat na burger chain a mundo, na ngayon ay nagdalaga na.

Hindi tulad ni Wendy, na ibinase sa real-life na anak na babae ng founder ng Wendy’s na si Dave Thomas, si Smith Goodwin ay hindi natural na redhead. Bago maging Wendy’s girl, ang aktres ay nagkaroon ng ilang mga stage role at walang TV o film experience para maipagyabang.

Ngayon nga ay isa na siyang bituin at bibigyan na siya ng pangalan ng Wendy’s—na hindi pa ibinubulgar!

Kinalap ni Tracy Cabrera