Trillo susubukan ang Triangle Offense sa Meralco

BALAK ng bagong assistant coach ng Meralco na si Luigi Trillo na tulungan ang head coach ng Bolts na si Norman Black sa paggamit ng triangle offense sa koponan.

Hinirang ng Meralco si Trillo bilang isa sa mga bagong assistants ni Black na pumalit kay Ryan Gregorio sa paghawak ng Bolts para sa bagong PBA season.

Galing si  Black sa Talk n Text at pinalitan siya ni Jong Uichico sa Tropang Texters.

“I have the background in the triangle (offense) and hopefully, I can help,” wika ni Trillo.

“I think seeing coach Norman, he wants Meralco to be in the best possible position to be successful and I’m just honored to be part of the team.”

Bukod kay Trillo, mga assistants din ni Black sa Meralco ay sina Ronnie Magsanoc, Patrick Fran, Xavier Nunag at Gene Afable.

Si Trillo naman ay pinakawalan  ng Alaska sa kalagitnaan ng PBA Governors Cup noong Hunyo at pinalitan siya ni Alex Compton sa paghawak ng Aces.

Bago siya napunta sa Meralco ay naging TV commentator si Trillo para sa PBA sa TV5.

”When Norman and I talked, he was looking to strengthen his bench further after losing Sandy (Arespacochaga) to NLEX. And since Luigi was available, we talked to him and asked him if he would be interested to join us,” ani Al Panlilio ng MVP Group. “Luigi thought the values of the (MVP) group was aligned to his so he and Norman spoke.”

(James Ty III)