She‘s Dating The Gangster, kombinasyon ng drama, kilig, comedy, at action!

ni JOHN FONTANILLA

HINDI ako mahilig manood ng Tagalog movies pero na-curious ako na panoorin ang She‘s Dating the Gangster dahil na rin sa nakikita kong grabeng haba ng pila nito sa mga SM Cinema—kumbinasyon ng bata, matanda, teenager, lalaki, babae, bakla, at tomboy—at sa magagandang reviews ng mga nakapanood na.

At hindi naman nasayang ang panonood ko sa pelikulang ito na idinirehe ng blockbuster director na si Ms. Cathy Molina dahil maganda ang pagkakagawa at istorya. Kombinasyon ng kilig, drama, comedy , at may kaunting action ang movie na ito nina Daniel Padilla at Kathryn Bernardo na hindi na talaga maawat ang pagsikat at tinatayang pinakasikat na teen actors sa bansa.

At kahit nga nahirapan ako sa haba ng pila ay nag-enjoy naman ako sa panonood nito. Bongga ang acting dito nina Daniel at Kathryn, magaling din sina Richard Gomez at Dawn Zulueta na kahit hindi kahabaan ang role ay napakahusay na actress at marami ang pinaiyak sa loob ng sinehan sa kanyang dying scene.

Sana‘y marami pang ganitong klaseng pelikula ang ipalabas sa mga local theaters sa bansa na kompleto ang rekados at talaga namang mag-e- enjoy kang panoorin at hindi ka mabubwisit. Kaya naman kudos sa Star Cinema for doing this film at sa bumubuo ng SDTG.Congratulations !