HATAW! D'yaryo ng Bayan hatawtabloid.com
KINUYOG ng taong bayan ang isang messsenger nang sumemplang sa motrosiklo pagkatapos hablutin ang bag ng isang babae sa Malate, Maynila.
Nakakulong sa Manila Police District- Station 9, ang suspek na si Fernando Cardeno, 40, messenger, ng 546 Malolos St., Barangay Olympus, Makati City .
Ayon kay PO1 Michael Gallardo, nadakip ang suspek nang sumemplang ang motor na kabyang sinasakyan kasunod ng pagdumog at pambubugbog ng taong bayan P. Ocampo St.
Hawak ng suspek ang bag ng babaeng biktima na nang mabawi ay hindi na nagpakilala at nagreklamo sa pulisya.
Nahulihan ang suspek ng kalibre .38 baril na nakasukbit sa kanyang baywang.
May hinala ang pulisya na ang suspek ay responsable sa mga serye ng snatching at holdapan sa nasabing lugar.
Kasong paglabag sa R.A. 8294 o illegal possession of firearams and explosives, at R.A. 4136 ng LTO Code o driving without license ang isasampa laban sa suspek. (LEONARD BASILIO)
