Keanna, na-insecure sa BF dahil mas naging bida sa Magtiwala Ka

ni Roland Lerum

NAUNA lang ng isang araw ang premiere night ng She’s Dating The Gangster sa Magtiwala Ka. Isang indie film directed by Joric P. Raquiza.

Sina Daniel Padilla at Kathryn Bernardo ang headliners ng She’s Dating… samantalang sina Keanna Reeves at Kevin Mercado ang mga bida sa huli. In real life, boyfriend ni Keanna si Kevin na 20 years old lang.

Hindi sumipot noong premiere night sa St. Francis Theater sina Keanna at Kevin. Bago ito, umugong ang intrigang nagtatampo raw si Keanna sa producer ng movie nila dahil mas malaki pa ang mukha ni Kevin kaysa kanya sa poster samantalang mas kilala siya at star pa!

Matagal-tagal na ring hindi gumagawa ng movie si Keanna. Tiyak na magugustuhan ito ng kanyang fans dahil dramatic actress siya rito. Tungkol sa supertyphoon Yolanda ito. Sa Basey, Eastern Samar ang setting nito. Sabi nga ni direk Joric sa stage ng magsalita: “Two weeks after ng typhoon Yolanda sa Basey, dumalaw ako at maraming patay ang nadaanan ko.” Naging emosyonal si direk nang magsalita.

In fairness, magandang obra ang Magtiwala Ka na palabas pa sa mga piling sinehan ngayon.

Sa premiere night naman ng She’s Dating… sa Megamall, dinumog ng fans nina Kathniel ang pelikula ng dalawang sikat na teenstars kahit bumabagyo-bagyo pa. Sa red carpet, grabeng makakapit sa bisig ni Danile si Kathryn. Para bang may aagaw kay Daniel kaya kapit-tuko siya.