HATAW! D'yaryo ng Bayan hatawtabloid.com
NANGANGANIB na masibak sa serbisyo ang dalawang bagitong pulis nang bugbogin ang isa nilang kabaro sa loob mismo ng Camarines Sur Police Provincial Office (CSPPO).
Sina PO1 Joseph No-nato, 32, at PO1 Eduardo Ramos, kapwa nakatalaga sa Public Safety Company ng Camarines Sur PPO, ay inireklamo ng pambubugbog ni PO1 Ivan Carl Cariño.
Sa reklamo ni Cariño, duty siya sa gate ng CSPPO nang dumating si Nonato kasama si Ramos na kapwa lango sa alak.
Agad nilapitan si Ca-riño saka sinuntok at tinadyakan sa sikmura.
Nagawang makatakbo ng biktima at humingi ng tulong sa Naga City Police Office (NCPO) kaya nahuli si Nonato habang si Ramos ay nakatakas.
Nakalaya agad si Nonato matapos maglagak ng piyansa sa kasong physical injuries.
Iniimbestigahan ng pulisya ang dahilan ng pambubugbog ng mga suspek sa biktima.
Ayon kay SPO1 Toby Bongon, Spokesman ng CSPPO, sakaling mapatunayang nagkasala ay saka isasailalim ang dalawang suspek sa dismissal proceedings.
(Beth Julian)
