Mag-asawang Fil-Am dedbol sa buhawi

PATAY ang mag-asawang Filipino-Americans sa hagupit ng buhawi sa estado ng Virginia sa Estados Unidos kamakalawa ng gabi.

Sinabi ni Virginia State Police Spokeswoman Corrine Geller, kinilala ang mga biktimang sina Lord Balatbat at Lolabeth Ortega, nakatira sa Jersey City sa New Jersey.

Nasa camp ground sa Virginia ang mag-asawa kasama ang anak nilang lalaki nang manalasa ang buhawi.

Kabilang ang anak ng mag-asawa sa 33 sugatan bunsod ng kalamidad.

Natumba ang tinatayang 50 punongkahoy sa camping site nang humagupit ang buhawi at ayon sa mga residente, wala silang sapat na panahon para maghanda dahil kasabay ng warning ng National Weather Service ay pagtama rin ng buhawi.