Katrina, tanggap na nagkamali

ni Ed de Leon

GANOON din naman iyong statement ni Katrina Halili ngayon. Nang hingan siya ng comment tungkol sa pagbabalik ng PRC ng lisensiya ni Hayden Kho, ang sabi niya ay ok lang iyon dahil masaya na iyong tao. Kung ano man ang desisyon ng PRC, ok lang iyon sa kanya dahil matagal na naman iyon at saka naamin na rin niya sa kanyang sarili na may pagkakamali rin siya.

Simple iyon eh, magkakaibigan sila noong panahong iyon. Kinuha pa siyang endorser ng Belo Medical Group. Alam naman niyang syota ni Dra.Vicki Belo si Hayden, pero pinatulan niya. May nangyari at nakunan pa nga ng video. So, mabuti naman at natanggap na niyang may mali siya noon, dahil pumasok nga rin siya sa isang relasyong malabo eh.

Pero iyong abogado ni Katrina, ang sabi hindi raw siya papayag at iaapela pa sa korte ang desisyon ng PRC. Aba kung gagawin niya iyan, magagastusan na naman si Katrina. Mahirap talaga kung minsan at iyong abogado ang nagbibigay ng statement eh.