Claudine, imposible nang magka-project dahil sa mga peklat

ni Ed de Leon

EWAN kung ano ang naisip ni Claudine Barretto at inililis ang kanyang damit para ipakita ang hitang tadtad pala sa peklat.

Hindi naman sinabi ni Claudine kung sino ang may kagagawan niyon, pero sinabi niyang iyon daw ang katunayan na siya ay isang “battered wife”.

Ayaw namang patulan iyon ng kampo ni Raymart Santiago, dahil hinihintay nilang ituro mismo ni Claudine na si Raymart ang may kagagawan niyon at saka siguro sila gagawa ng aksiyon.

Pero hindi ba naisip ni Claudine na ngayong siya pa mismo ang umamin at naglabas na ng kanyang hita ay tadtad na pala ng peklat baka lalong walang magbigay sa kanya ng projects? Noong una ang problema lang niya ay napakataba. Ngayon lumalabas na tadtad pa pala siya ng peklat, eh sino ba ang magkaka-interes sa kanya kung ganoon nga?