HATAW! D'yaryo ng Bayan hatawtabloid.com
DINUKOT ang negosyanteng ginang ng kanyang mister kamakalawa sa Pasay City.
Kinilala ang biktimang si Ma. Rosario “Jinky” Pangilinan, 42, canteen owner, ng Block 7, Lot 4, Saint Catherine Village, Parañaque City.
Ang suspek ay kinilalang si Mel Pangilinan, nasa hustong gulang, hindi nabanggit sa report kung saan siya nakatira.
Salaysay ni Rowena Palwa, 40, negosyante, ng La Loma, Quezon City; at mag-asawang Conrado at Marlyn Rabang, ng Muntinlupa City, mga kaibigan ng biktima, sa pagitan ng 5:30 p.m. at 6 p.m. nang maganap ang insidente sa harapan ng Starbucks Coffee sa Blue Wave Complex, Macapagal Boulevard, Pasay City.
Sinabi ni Palwa, bago naganap ang pagdukot, tinawagan siya ng biktima at sinabing nasa Starbucks siya.
Pinuntahan nina Palwa at mag-asawang Rabang ang biktima sa naturang lugar ngunit wala na ang biktima at naiwan ang sasakyang Toyota Fortuner (UQN-935) na nakaparada sa parking area ng KFC food chain.
Agad silang humingi ng tulong sa mga pulis at ini-report ang pagdukot sa kanilang kaibigang si Ma. Rosario.
Ilang gwardyang nakatalaga sa ilang establisimento sa Blue Wave Complex, ang nagsabing napansin nila ang isang babae na kahalintulad sa diskripsiyon ni Ma. Rosario, habang nag-aabang ng taxi at sumisigaw ng “Hayaan mo na ako! Pabayaan mo na ako!” at “Huwag mo na akong pakialaman!”
(JAJA GARCIA)
