Nagsusulputan na ang mga saling-lahi sa PBA

NAGSISILABASAN na ang mga lahi ng premyadong basketball players na kinilala noong araw sa PBA at MICAA.

Isa sa may potensiyal na anak ng mga ganador na manlalaro noong araw ay itong si Kobe Paras na anak ng tinaguriang Tower of Power.

Mukhang hihigitan pa ni Kobe ang amang si Benjie dahil sa taas nito ngayong 6-foot-6 sa edad na 16 ay isa itong manlilipad.

Katunayan ay parati itong kasali sa mga Slam Dunk contest.

Katunayan ay lalahok siya sa FIBA Under 18 Slam Dunk contest sa Qatar na lalarga sa Agosto 16-29.

Sa mga basketball aficionados na ngayon lang namulat sa basketball, ang ama ni Kobe na si Benjie ay napalunan ang PBA Rookie of the Year at MVP award sa parehong taon.

Hanggang sa ngayon ay wala pang nakakabura nun.

Kung sakali, pag-akyat ni Kobe sa pro, mabura niya ang rekord ng ama.

0o0

Kahit pa nga panay ang build-up ng mga mamahayag sa kalidad ni Chris Algieri, hindi pa rin naniniwala ang mga avid fans ni Manny Pacquiao na tatalunin nito ang kanilang iniidolo.

Maging ang mga oddsmakers sa CotaiArena ay naniniwalang llamadong-llamado sa laban si Pacquiao kontra kay Algieri.   Dahil sa huling tayaan nitong linggo ay 14-1 favorite si Pacquiao.

Mukhang ang uno sa pustahan ay si Algieri ang tumaya.

Pero kidding aside, malaki ang paniniwala ni Algieri na hindi magiging batayan ang mga numero.   Dahil tiwala siya sa kaniyang kakayahan na kaya niyang ma-upset ang tinaguriang Pambansang Kamao.

Handa siyang maghimala sa laban. He-he-he.

Alex L. Cruz