Robin, interesting ang role sa JasMine

 

ni Ronnie Carrasco III

SIGURADONG daragdag sa mas kapana-panabik na mga eksena ng Jasmine ang pagdating ng panibagong karakter na gagampanan ni Robin Padilla.

Nagsimula na noong July 6 ang character role ni Binoe bilang Julius Jacinto, isang magaling na pulis na nawalan ng tiwala sa sistema ng pulisya matapos siyang ma-dismiss dahil sa pag-iimbestiga sa kaso ng isang tiwaling politiko.

Dahil sa kanyang pinagdaanan, naging lasenggero si Jacinto pero dahil sa pagkawala ni Inspector Ramon Ramirez (Matthew Padilla), kakailanganin niyang bumangon at humanap ng katarungan sa pagkamatay ng kanyang matalik na kaibigan.

”Interesting ang role ni Robin dahil sa simula ay lasenggo nga siya, wala nang naniniwalang magbabago pa siya. Unti-unti siyang magbabago yon throughout the series. ‘Yun ang dapat abangan ng mga manonood dahil ibang klaseng Robin Padilla ang mapapanood nila,” anang direktor nitong si Mark Meily.

Samantala, maging ang Kapatid princess na si Jasmine Curtis Smith cannot contain her excitement na makatrabaho si Robin. Agad-agad nag-post ng mga papuri si Jasmine sa social media, na siya namang nakakuha agad ng positibong reaksiyon mula sa kanyang napakalaking online fan base.

Makatutulong kaya si Jacinto kay Jasmine para mapigil si Maskara? Makakamit ba ni Jacinto ang katarungan para kay Ramirez?

Tutukan si Robin sa Jasmine every Sunday, 5:00 p.m. (with replays at 10:00 p.m.) on TV5.

Samantala, with Robin on the grounds of TV5, hindi imposibleng magkrus ang landas nila ni Vin Abrenica, kapatid ni Aljur na ex-boyfriend ng kanyang anak na si Kylie. Ang tanong: what would the scenario be like when they cross paths?