Daniel, nagbago na nga ba kaya nilayasan ng Parking 5 at PA?

ni Roldan Castro

HOW true na buwag na ang Parking 5 band ni Daniel Padilla? Totoo ba na may samaan sila ng loob bilang magbabarkada? Kaya pala wala ang P5 sa free concert ni Daniel sa Tacloban dahil hiwa-hiwalay na sila?

Iisa tuloy ang tanong kung nagbago ba si Daniel dahil sa kasikatan niya kaya nabuwag ang kanyang banda?

Ayon sa aming source, isa sa P5 ang pinagbibintangan na gustong sirain si DJ at nagkalat umano ng mga larawan ng Teenage Superstar na may hawak na sigarilyo at alak. May pinapangambahan pa umanong lumabas na ‘kulitan’ nilang pose bilang mga lalaki at magbabarkada.

Sayang naman ang samahan nila at itinuring silang pamilya ni DJ. Kung mayroong hindi pagkakasunduan, kailangan bang humantong sa siraan at labasan ng baho?

Kung tutuusin itinuring silang mga kapatid ni DJ at mas laan ang oras niya sa pakikipagkaibigan sa kanila kaysa sa mga kasamahan niyang actor. Naglaan din ng malaking space si DJ sa ipinatayo niyang bahay para sa mga ka-banda niya. Suma-total, mahal sila ni Daniel.

Sayang din ang nasimulan nila at tinatapos na album kung watak-watak na sila?

Balita namin, nagsipag-aral na raw ang ibang miyembro. Mayroon ding parents umano na nagagalit sa nangyari sa grupo dahil naisakripisyo nila ang visa ng anak at dalhin sa US dahil nga banda.

Kung balitang nilayasan si DJ ng  banda niya, pati PA niya ay lumayas  na rin daw sa kanya.

Anyare? May nagbago ba sa ugali ni Daniel? O, hindi lang nila naiintindihan minsan si DJ na wala nang oras sa kanila dahil pagod din sa trabaho? Minsan ay stress din sa work kaya nag-iiba ang timpla ng mood niya?

Just asking!