HATAW! D'yaryo ng Bayan hatawtabloid.com
NAGBIGTI ang isang 77-anyos magsasaka dahil sa matinding depresyon bunsod ng kahirapan sa Brgy. Poblacion, Bugallon, Pangasinan kamakalawa ng gabi.
Kinilala ng pulisya ang biktimang si Domingo Navarro, residente ng AB Navato St., Poblacion.
Ayon sa misis ng biktima na si Maria, bago ang insidente ay nakita niya ang kanyang mister na matamlay at nag-iisip nang malalim dahil paubos na ang isasaing nilang bigas ngunit wala pa silang ipambibili.
Nakadagdag pa sa problema ng biktima ang sakit niyang kanser na hindi maipagamot dahil sa kawalan ng pera.
Dagdag ng ginang, anim beses nang nagtangkang magpakamatay ang biktima ngunit kanilang napipigilan.
Palagi aniyang sinasabi ng biktima na ayaw na niyang mabuhay dahil nahihirapan siyang nakikitang naghihirap ang kanyang pamilya.
ni JAIME AQUINO
