HATAW! D'yaryo ng Bayan hatawtabloid.com
MATAPOS makonsensiya sa ginawang pagpatay sa 11-anyos na pamangkin, sumuko sa pulisya ang 20-anyos na lalaki sa Baliuag, Bulacan.
Inamin ng suspek na si Raymund Tabunda, alyas Kumag, nang humarap sa mga awtoridad na siya ang pumatay sa kanyang pamangkin na si Lyza dela Cruz, kilala sa tawag na Negra nitong Marso 30.
Itinuro ng suspek kung saan banda niya itinapon ang bangkay ng pamangkin sa gilid ng isang ilog sa Barangay Sabang, Baliuag.
Kalansay na nang matagpuan ang labi ng biktima at kinilala lamang sa pamamagitan ng headband na nakasuot sa bungo.
Ayon sa suspek, pinatay niya ang biktima sa pamamagitan ng paglunod sa ilog saka tinakpan ng waterlily.
Inaalam ng pulisya ang dahilan ng suspek sa pamamaslang at kung pinagsamantalahan ang biktima.
(DAISY MEDINA)
