HATAW! D'yaryo ng Bayan hatawtabloid.com
MALAKI ang posibilidad na hindi tatagal bilang head coach at assistant coach ng San Miguel Beer na sina Melchor “Biboy” Ravanes at John Todd Purves sa darating na PBA 40th season na magsisimula sa Oktubre.
Isang source ang nagsabing pinag-iisipan na ng pamunuan ng San Miguel Corporation na sibakin ang dalawa dahil sa palpak na kampanya ng Beermen sa katatapos na season.
Sa ilalim nina Ravanes at Purves ay natalo ang SMB sa quarterfinals ng Commissioner’s Cup kontra Air21 at sa Governors’ Cup kalaban naman ang San Mig Super Coffee kahit hawak nito ang twice-to-beat na bentahe.
Ilan sa mga kandidato bilang kapalit nina Ravanes at Purves ay sina Leo Austria, Boysie Zamar at Ato Agustin na dating head coach ng Barangay Ginebra San Miguel.
Sa ngayon ay pinuno ng Ateneo sports si Austria samantalang si Zamar ay coach ng Cebuana Lhuillier sa PBA D League.
(James Ty III)
