HATAW! D'yaryo ng Bayan hatawtabloid.com
ni Vir Gonzales
SUPER saya ang Italyanang girlfriend ni James Yap na si Michela Cazzola noong tanghaling MVP ang una. May nagkomento nga lang, tila nakalimutan ni James na bigyan ng attention noong magpasalamat ang isa sa kanyang anak, bukod kay Bimby.
Mangyari pa, over joyed si James at nakalimutang batiin din ito.
Isa pa, sa nakalimutang batiin ang ex-na si Kris Aquino.
Sabi naman ng iba, bakit babanggitin pa, may Michela na si James, na nagbibigay ng suwerte sa kanyang mga laro.
BOBBY BENITEZ, CERTIFIED DIRECTOR NA
FINALLY, full-pledge director na ang dating Escolta Boys na si Bobby Benitez na nagdirehe ng pelikulang Education na bida pinagbibidahan ni Diane Medina.
Produced ito ng JMS ni Ms. Jovie Sebastian na napagkamalang artista noong presscon nito na ginanap sa Sangkalan, Grill House.
Bale sa Pangasinan sila ng shoot ng anim na araw na walang tulugan. Puyat na puyat nga si Daria Ramirez noong makakwentuhan namin. Pinilit niyang dumalo kahit my taping kinabukasan.
Maraming raket ngayon si Dadang (tawag kay Daria) pruweba ng pagiging magaling ng artista. Kaya lang bakit kaya raw parang walang nakakapansin sa talent ni Dadang, among our mga awards giving body?
Paulit-ulit na lang kasi ‘yung ibang mga artistang nabibigyan ng award, puna ng mga tagahanga. May palakasan effect ba?
Back to Bobby, marami na rin siyang naiderehe noong araw na mga action picture pero bilang assistant. Idol nga niya sa pagdidirehe si Carlo Caparas. Type niyang maging action director pero buhay ng isang maestro ang nagging inspirasyong gawin bilang pagsaludo sa mga gurong naapi sa Pilipinas. Kulang sila sa atensiyon ng pamahalaan. Ipinakita ng mga artistang sina Daria Ramirez, Tommy Abuel, Leandro Baldemor, PJ Abellana, Eliza Rivera, at Myrnell Vanessa ang kahalagahan ng mga maestro sa pelikulang ito na ipalalabas sa July 23 sa SM North.
Magkakaroon ng grand premiere ang Education na handog ng SM para sa mga guro. May mga suporta ring natanggap ang JMS Production parang tulong na mabuo ang pelikulang ito.
Dapat tangkilikin ng mga studyante at mga guro ang pelikulang alay para sa mga guro sa bansa.
